Супольнасць неабыякавых людзей, якія інвестуюць у будучыню Беларусі
Пакіньце свой мэйл, каб атрымліваць перыядычную рассылку ад Клубу беларускіх мецэнатаў пра актуальны стан нашай культуры
Пакіньце свой мэйл, каб атрымліваць перыядычную рассылку ад Клубу беларускіх мецэнатаў пра актуальны стан нашай культуры
Гэта супольнасць неабыякавых людзей, якія інвестуюць у будучыню Беларусі. Чальцы Клубу аднаўляюць на новым узроўні інстытут мецэнацтва, які стагоддзямі існаваў на беларускіх землях. Яны доўжаць справу сваіх славутых папярэднікаў і тым самым спрыяюць таму, каб наша краіна была ўпісаная ў міжнародны кантэкст. Яны фармуюць станоўчы імідж беларускай культуры і незалежнай дэмакратычнай Беларусі ў цэлым. Яны робяць свой унёсак у развіццё важных ініцыятыў у галіне культуры, інстытутаў падтрымкі культуры, спрыяюць выхаванню менеджараў сферы і развіццю культурнай індустрыі, а значыць, бяруць удзел у фармаванні экасістэмы беларускай культуры і тым самым мацуюць падмурак незалежнай Беларусі.
Місія Клубу – жывіць беларускай культурнае поле.
Культура – гэта сэнс нашага існавання, нашае ДНК, якое дапамагае нам захавацца як нацыі, вызначае нашыя паводзіны, адносіны адно да аднаго і стаўленне да нас астатняга свету. І менавіта праз недаацэнку сэнсу і ролі культуры Беларусь пераўтварылася ў калгасную дыктатуру (agrarian dictatorship) з усімі наступствамі, якія мы цяпер бачым.
Падрабязней – у маніфесце "Больш чым культура".
Падпішыцеся на расылку, каб даведацца болей пра Клуб беларускіх меценатаў
Празрыстасць працы Клубу беларускіх мецэнатаў забяспечвае Беларуская Рада культуры, зарэгістраваная на тэрыторыі ЕС (у Эстоніі пад назваю MTÜ Valgevene Kultuuri Assotsiatsioon) як некамерцыйная арганізацыя з дабрачынным статусам. Арганізацыя мае досвед супрацы з еўрапейскімі і амерыканскімі фондамі, інстытутамі, мецэнатамі, а таксама з'яўляецца ініцыятарам і сурэалізітарарам (разам з Дацкім інстытутам культуры) праекту ArtPower Belarus у падтрымку беларускай культуры (бюджэт 2 млн.еўра на 2023-2025гг.), адным з заяўнікаў і рэалізатараў праекту Octopus у падтрымку беларускаарыентаванай адукацыі для дзяцей (бюджэт 1 млн.еўра на 2022-2024гг).
Партнёрам Клубу мецэнатаў беларускай культуры з'яўляецца Беларуская фундацыя Крычэўскага, некамерцыйная арганізацыя, заснаваная ў 1959 годзе беларускамі-эмігрантамі ў Нью-Ёрку з мэтаю падтрымкі культурніцкіх, навуковых і выдавецкіх ініцыятыў беларусаў, чым і займаецца цягам 65 гадоў сваёй гісторыі.
